Mesfushori anglez ishte i pafat në ndeshjen e djeshme miqësore të Bluve.
Një takim aspak i rëndësishëm siç ishte ai mbrëmshmi mes Chelseat dhe New England Revolution i ka kushtuar rëndë mesfushorit Ruben Loftus-Cheek.
Mesfushori i Bluve ka lënduar tendinën e akilit dhe do të duhet të operohet dhe njëherësh do t’i mungojë Chelseat në finalen e Ligës së Evropës ndaj Arsenalit që luhet më 29 maj.
Përveç këtij takimi të rëndësishëm, Loftus-Cheek do të mbetet jashtë edhe për finalet e Ligës së Kombeve me Anglinë që luhen në muajin qershor.
23-vjeçari do t’i kthehet Chelseat vetëm për sezonin e ri të Premier Ligës, që nisë në muajin gusht.