UEFA e frikësuar për finalen e Europa Ligës, numër i vogël i biletave të shitura

Futboll

UEFA e frikësuar për finalen e Europa Ligës, numër i vogël i biletave të shitura

Më: 17 maj 2019 Në ora: 20:08
Foto ilustrim

Kur UEFA po shqyrtonte kandidaturat për finalen e Europa League për vitin 2019, të shumtë ishin zyrtarët më të lartë në Azerbajxhan që garantuan se aeroporti kryesor i vendit mund të menaxhonte mbi 10 mijë pasagjerë në orë.

Por, kur i gjithë qyteti i Bakusë është përfshirë në organizimin e finales së Europa League, raportohen probleme me transportin, facilitete, e madje edhe rrezik për terrorizëm.

Trajnerët më të njohur europianë, si Jurgen Klopp i Liverpoolit, apo Unai Emery që ka skuadrën e tij në finale, Arsenalin, kanë kritikuar më herët vendimin për të çuar ndeshjen në një vend kaq të izoluar.

Por, mungesa e fluturimeve të drejtpërdrejta me Britaninë e Madhe, që ka fluksin kryesor të tifozëve, bën që tifozët dhe zyrtarët të impenjohen në orë të tëra fluturimi dhe shpenzime shtesë.

Ndërkohë, Ministria e Jashtme britanike ka udhëzuar tifozët e Chelseat dhe Arsenalit, dy ekipet finaliste, që të evitojnë grumbullimet masive për shkak të rrezikut të sulmeve terroriste. Në raport përmendet niveli i ulët i krimit në Baku, por një rrezik potencial nga atentatet.

Si të mos mjaftonte kjo, mesfushori sulmues i Arsenalit, armeni Henrikh Mkhytarian do të mungojë për shkak të frikës për jetën e tij. Në bazën e vendimit është lufta dhe konflikti i vazhdueshëm mes vendlindjes së tij dhe Azerbajxhanit.

commentFirst article
Sot mund të lexoni Shfletoni kopertinat