Real Madridi nëpërmjet një njoftimi ka konfirmuar se mesfushori Toni Kroos e ka vazhduar kontratën deri në vitin 2023.
Los Blancos në faqen zyrtare kanë konfirmuar arritjen e marrëveshjes me mesfushorin gjerman, pasi u spekulua se ai mund të largohej në verë.
“Real Madrid dhe Toni Kroos janë pajtuar për ta zgjatur kontratën e lojtarit, e cila do ta mbajë atë në klub deri më 30 qershor, 2023”, thuhet në njoftimin e Real Madridit.
Kontrata aktuale e Kroos skadonte në vitin 2022, por Reali kishte vendosur t’i jepte edhe 12 muaj tjerë.
29-vjeçari erdhi në Spanjë nga Bayerni në vitin 2014, duke fituar tre Ligë të Kampionëve radhazi, një titull të La Liga-së dhe tre Kupa të Botës për Klube.
Toni Kroos deri tani është paraqitur mbi 230 herë për Los Blancos.
