Skuadra e Llapit ka filluar përforcimet për sezonin e ardhshëm.
Llapi ka zyrtarizuar sot transferimin e mesfushorit, Blendi Memaj, i cili në edicionin e fundit është aktivizuar tek skuadra e Lirisë – që nuk mbijetoi dot në Superligë.
Memaj është mesfushor me tipare sulmuese dhe pritet ta ndihmojë ekipin e Llapit në sezonin e ri.
Më poshtë keni njoftimin e klubit të Llapit:
“Podujevë, 20 maj 2019 – Blendi Memaj ka kryer prezantimin e tij si futbollist i Llapit. Memaj ka nënshkruar kontratë 1 vjeçare me klubin me mundësi vazhdimi edhe për një vit.
Blendi Memaj, 24 vjeç, i lindur më 02.01.1995 i gjatë 1.83m është mesfushor-sulmues dhe mund të luaj edhe si mesfushor qendror. Së fundmi ai ishte pjesë e Lirisë, ndërsa më parë ka luajtur edhe për Besiktas U21 dhe Rabotnickin”, shkruhet në njoftim.
