Trajneri francez, Didier Deschamps e ka përjashtuar mundësinë për t’u bërë trajneri i ardhshëm i Juventusit.
Ai ka konfirmuar se e ardhmja e tij ishte e lidhur me Francën.
Ish-mesfushor i Juventusit, Deschamps kishte qenë i lidhur me kthimin në klub si pasardhësi i Max Allegrit.
Megjithatë, kryetrajneri i Francës tha në një konferencë për shtyp: “Situata është e qartë dhe e saktë: gjithë energjia dhe përqendrimi im janë të orientuara drejt kualifikimit për Euro 2020.”
“Është gjithmonë mirë kur e shihni emrin tuaj pranë atyre të klubeve të mëdha dhe Juventusi është në atë kategori, por e ardhmja ime është me Francën”, përfundoi ai.
