Calderon: Perez duhet të bindet dhe të plotësojë kërkesën e Zidane - Bota Sot
Calderon: Perez duhet të bindet dhe të plotësojë kërkesën e Zidane

Futboll

Calderon: Perez duhet të bindet dhe të plotësojë kërkesën e Zidane

Më: 22 maj 2019 Në ora: 00:18
Ramon Calderon

Vazhdon mundja e krahut mes Real Madrid dhe Gareth Bale. Uellsiani nuk bën më pjesë në planet e trajnerit Zinedine Zidane, por duket se nuk ka ndërmend të largohet nga "Los Blancos" nëse nuk do të plotësohen kërkesat e tij.

Ndërkohë, ish-presidenti i madrilenëve, Ramon Calderon, ka komentuar këtë situatë në një intervistë të dhënë për "Sky Sports". "Zidane ka sqaruar menjëherë se dorëheqja e sezonit të kaluar ka ardhur edhe për shkak të sjelljes së Perez, i cili nuk donte të plotësonte kërkesat e trajnerit në merkato, duke përfshirë edhe shitjet", ka thënë Calderon. 

"Florentino donte që Bale të ishte në qendër të projektit pas largimit të Cristiano Ronaldo-s, por tani kjo çështje është kthyer në një problem për klubin. Zidane ka marrë garanci se do të kishte pushtet në merkato kur klubi i ka kërkuar të kthehet. Për këtë arsye, Perez duhet të bindet që të shesë Bale, siç do trajneri". 

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...