Piatek afër rekordit absolut! - Bota Sot
Piatek afër rekordit absolut!

Futboll

Piatek afër rekordit absolut!

Më: 26 maj 2019 Në ora: 16:28
Piatek

Pasi është rikthyer te goli javën e shkuar, Piatek ka edhe 90 minuta për të vendosur një rekord historik në kampionatin italian. Mundësia do të jetë në Ferrara, përballë SPAL-it, ndeshja e fundit e sezonit.

Sulmuesi polak, që ka mbërritur deri tani në 30 gola sezonalë, kërkon golin e dhjetë me fanellën e Milanit në Serie A, pas 13 që ka shënuar me fanellën e Genoas: nëse shkon me dy shifra edhe me kuqezinjtë, atëherë do të futej në histori, si sulmuesi i parë që e realizon këtë gjë, me dy skuadra të ndryshme brenda një sezoni.

Sakaq, do të barazohej në Europë edhe me Aubameyang, që la Borussia Dortmund për Arsenalin në merkaton e janarit 2018, duke shënuar edhe në Londër 10 gola, pasi kishte realizuar 13 me verdhezinjtë.

Nëse shënon dy gola ndaj SPAL, sakaq, arrin Shevchenkon që në sezonin debutues me Milanin shënoi 24 gola, duke mbërritur nga një kampionat tjetër, ndërsa më larg duket Ronaldo “Fenomeni”, me 25 gola me Interin.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...