Futbollisti Berat Ustabashi do të mbahet mend gjatë shumë gjatë nga ekipi i Rabotniçkit. Skuadra shqiptare Shkupi si mysafir triumfoi me rezultat 2:1 ndaj Rabotniçkit, në ndeshjen e javës së fundit përkatësisht të 36-të të Kampionatit të Maqedonisë së Veriut. Kjo ndeshje ka qenë derbi i skuadrave që luftonin për një vend në garat evropiane dhe minutat e fundit ishin për infarkt, sepse në minutën e 84-të Ilijoski kaloi në epërsi me 1:0 Rabotniçkin.
Në çastet e fundit doli në skenë Berat Ustabashi duke shënuar dy herë, në minutën 89-të dhe në atë 90+1, duke tronditur ekipin maqedonas. Ustabashi është hero i Shkupit, që siguruan një vend në garat e Europa League, në anën tjetër rrëzoi ekipin maqedonas. Shkupi zuri vendin e katërt me 48 pikë, dy më shumë se Rabotniçki që përfundoi në pozitën e shtatë.
Derbi i skuadrave shqiptare mes Renovës nga Xhepçishti i Tetovës dhe kampionit të ri Shkëndijes nga Tetova, përfundoi me rezultat 3:2 në të mirë të xhepçishtasve. Renova fitoi tri pikë të mëdha duke përfunduar në vend të pestë me 47 pikë. Golat për Renovën i realizuan: Ramadani (41’ e 44’), Useini (77) dhe për Shkëndijen Luma (12’) e Bojku (86’). Shkëndija përfundoi në pozitën e parë me 79 pikë apo 15 pikë më shumë se Vardari në vend të dytë. Shkëndija do të garojë në fazën kualifikuese të Champions Leagues. Duhet theksuar se reprezentuesi i Kosovës U-21, Leard Sadriu, luajti standard deri në minutën e 58-të për Shkëndijën.
Liga e Maqedonisë së Veriut
A. Pandev-Vardari 1:1
Pobeda-Makedonija 1:3
Rabotniçki-Shkupi 1:2
Renova-Shkëndija 3:2
Sileksi-Bellasica 2:1
Tabela
1. Shkëndija 36 24 7 5 79
2. Vardari 36 17 13 6 64
3. A. Pandev 36 17 7 12 58
4. Shkupi 36 13 9 14 48
5. Renova 36 12 11 13 47
6. Makedonija GP 36 12 11 13 47
7. Rabotniçki 36 13 7 16 46
8. Sileks 36 11 11 14 44
9. Bellasica 36 9 11 16 38
10. Pobeda 36 6 5 25 23