Ka përfunduar edhe zyrtarisht sezoni 2018/19 i kampionatit italian, Serie A.
Skuadra e Atalantas padyshim se ka qenë befasia më e madhe e vitit në Itali, pasi ka arritur të sigurojë plasmanin për në edicionin e ardhshëm të Ligës së Kampionëve.
Përveç Atalantas, në Ligën e Kampionëve do të luajë edhe Interi.
Inter dhe Atalanta kanë grumbulluar nga 69 pikë në Serie A, kurse Milani mbetet në vendin e pestë me 68 pikë.
Milan dhe Roma do të luajnë në Europa League edicionin e ardhshëm.
Roma edhe zyrtarisht do të luajë në Europa League edicionin e ardhshëm – pasi ka grumbulluar 66 pikë dhe është pozicionuar në vendin e gjashtë.