Tifozët e Romës mbrëmë i dhanë lamtumirën Daniele De Rossit.
Një tjetër legjendë u largua nga Roma. Dy vite më parë ishte ikona e klubit Francesco Totti ai që u përshëndet me tifozërinë romake, teksa u pensionua nga futbolli, kurse mbrëmë Daniele De Rossi, të cilit nuk iu vazhdua kontrata u largua nga verdhekuqtë, por do të vazhdojë të luajë në një kampionat tjetër.
Në sfidën e fundit të stinorit ndaj Parmës të fituar 2-1, rezultati ishte në plan të dytë, pasi i gjithë stadiumi ishte mbushur për të përshëndetur De Rossin.
Mes lotëve dhe duartrokitjeve 36-vjeçari i dha lamtumirën skuadrës së tij të zemrës, me të cilën ka luajtur që nga viti 2001.