Sadio Mane i ka dhënë fund spekulimeve për të ardhmen e tij që lidhet me një transfer të mundshëm tek Reali këtë verë.
Mane i cili shkëlqeu me Liverpoolin në Premierligë po ashtu edhe tani pret që të luajë në finalen e madhe të Ligës së Kampionëve – ka hedhur poshtë çdo spekulim rreth një transferi të tij në Real.
“Gjithmonë kjo është pjesë e futbollit, prandaj duhet të merremi me të, por për mua gjëja më e rëndësishme është Liverpooli dhe jam i lumtur këtu,” tha ai për spekulimet.
“Është gjithmonë një kënaqësi që skuadrat të kërkojnë, por mos të harrojmë Lievrpoolin. Ne mundëm ekipe të mëdha.
“Unë jam duke u përgatitur për një nga lojërat më të mëdha për klubin dhe tifozët dhe le që të përqendrohemi tek kjo ndeshje”, përfundoi Mane.