Sonte zhvillohet finalja e Ligës së Evropës ku do të ballafaqohen mes vete dy skuadrat nga Londra.
Një stinor i bukur në Ligën e Evropës do të përmbyllet sonte me finalen e madhe që luhet në Baku të Azerbajxhanit, me dy kundërshtar nga i njëjti qyteti siç janë Chelsea e Arsenali.
Përballë njëri tjetrit janë edhe dy strategë si Maurizio Sarri dhe Unai Emery, me këtë të fundit që është edhe ekspert i këtij kompeticioni të cilin e ka fituar plot tre herë me Sevillan.
Të dy skuadrat hyjnë në këtë takim me mungesa të rëndësishme. Te Chelsea nuk do të luajnë N’Golo Kante, Antonio Rudiger e Ruben Loftus Cheek të lënduar, kurse Arsenalit i mungojnë për shkak lëndimesh, Aaron Ramsey, Hector Bellerin dhe Denis Suarez, derisa Henrikh Mkhitaryan nuk ka udhëtuar me skuadrën për shkak të situatës së tensionuar politike mes Azerbajxhanit dhe Armenisë.
Ndeshja mes Chelseat dhe Arsenalit do të fillojë në orën 21:00.
Formacionet e mundshme:
Chelsea: Kepa; Azpilicueta, Christensen, Luiz, Emerson; Kovacic, Jorginho, Barkley; Willian, Giroud, Hazard.
Arsenal: Leno; Sokratis, Koscielny, Monreal; Maitland-Niles, Torreira, Xhaka, Kolasinac; Ozil; Lacazette, Aubameyang.
