Interi e hoqi qafe sot trajnerin Luciano Spalletti me një njoftim të shkurtër, me dy fjali të thata ku thjeshta deklaronte se Spalletti largohet dhe Interi e falënderon për punën e kryer.
Ndërkaq, presidenti i Interit, Steven Zhang, ka postuar një mesazh në Instagram, ku praktikisht ka korrigjuar gabimin e klubit, sepse postimi i tij është më i plotë dhe tregon pak më shumë respekt për ish-trajnerin.
"Një trajner, një mësues, një mik. Ti ke dhënë gjithnjë më të mirën tënde, në ditë të mira e të këqija. Këto dy vite së bashku vlejnë shumë për Interin dhe për mua personalisht. Nuk do e harrojmë kurrë përkushtimin tënd për këtë skuadër dhe të falënderojmë nga zemra. Nëse ke qenë një herë trajner i Interit, do mbetesh gjithmonë trajneri im. Faleminderit Mister Spalletti".
