Athletico Bilbao mund të humbasë sulmuesin Inaki Williams gjatë merkatos së verës. 24-vjeçari ka qenë titullar i padiskutueshëm nën drejtimin e Gaizka Garitanos, duke zhvilluar kështu një sezon fantastik me 13 gola të shënuar dhe 4 asiste për shokët e skuadrës.
Një lojtar me një rendiment të këtij niveli, sipas mediave spanjolle, ka tërhequr vëmendjen e Atletico Madridit, skuadër që është vënë në kërkim të përforcimeve të duhura për të zëvendësuar Griezmann. Gjithsesi, për “colchoneros” nuk do të jetë e lehtë të arrijë te sulmuesi, pasi klauzola e largimit të tij nga “San Mames” kap shifrën e 88 milionë eurove.