Intervistë interesante nga Ronaldo Fenomeni. Ish-sulmuesi, tashmë në rolin e presidentit te Valadojidi në Spanjë, ka folur për “AS”. Braziliani ka zbuluar se cilin lojtar admiron më shumë të shikoj në fushë.
“Natyrisht që Mesin. Është numri 1, do të duhen dhe 20 apo 30 vite për të parë dikë të ngjashëm. Më pëlqen edhe Salah, Hazard dhe Nejmar. Natyrisht edhe Mbape. Shumë thonë se dukemi njësoj nga loja. Ai është shumë i shpejtë, i përfundon mirë veprimet dhe di si të jetë vdekjeprurës me të dyja këmbët. Kemi disa gjëra të përbashkëta, e vërtetë, por unë nuk i kam pëlqyer krahasimet, sidomos kur lojtarët kanë luajtur në gjerenara të ndryshme”, sqaron Ronaldo.
