Tottenham Hotspur janë në dijeni se mund t’i humbin shërbimet e Christian Eriksen gjatë kësaj vere, prandaj ata janë duke parë për ndonjë mesfushor me potencialin për ta zëvendësuar danezin.
Organizatori i lojës së Real Betis, Giovani Lo Celso thuhet të jetë lojtari që po pëlqehet shumë nga Spurs.
‘The Sun’ raporton se Tottenham po e shqyrton mundësinë për të transferuar Giovani Lo Celson për shumën e 65 milionë eurove.
Argjentinasi do të ishte zëvendësuesi i Christian Eriksen, pasi ky i fundit besohet se do të largohet gjatë kësaj vere nga Londra veriore.
Për transferimin e tij thuhet se po punon trajneri i Tottenham, Mauricio Pochettino, i cili gjithashtu është nga Argjentina.
