Chiesa arrin akordin me gjigantin Europian, pritet zyrtarizimi

Futboll

Chiesa arrin akordin me gjigantin Europian, pritet zyrtarizimi

Më: 5 qershor 2019 Në ora: 20:06
Federico Chiesa

Federico Chiesa ka zgjedhur Juventusin. Sulmuesi i Fiorentinës ka arritur një marrëveshje me bardhezinjtë për një kontratë pesëvjeçare për 5 milionë euro neto në sezon.

"Zonja e Vjetër", që ka fituar garën me Interin e Antonio Contes, tani do të duhet të negociojë me drejtuesit e Fiorentinës për finalizimin e transferimit: italiani premtues vlen 70 milionë euro në merkato.

Juventus 1-0 Inter dhe topin në mes. Duke pritur për të sfiduar njëri-tjetrin në fushën e blertë, sfida e parë e merkatos shkon tek bardhezinjtë.

"Sky Sport" raporton se Chiesa, zgjodhi ta vazhdonte karrierën e tij në Torino, edhe pse në Milano kishte të sigurt vendin në formacionin bazë, pasi rivaliteti është më i madh tek Juventusi.

Por "Zonja e Vjetë"r, ende pa një trajner, e joshi më tepër yllin e Fiorentinës. Për më tepër Maurizio Sarri, kurrë nuk e ka fshehur admirimin e tij për talentin 21-vjeçar dhe në janar ai u përpoq për ta marrë atë në Londër tek Chelsea.

Aventura e Sarrit me "Blutë e Londrës" pritet të përfundoj pas një sezoni dhe sipas mediave italiane kalimi i tij tek Juventusi është çështje ditësh. Italiani ka përpiluar një listë të shkurtër me disa kërkesa dhe drejtuesit po punojnë në fshehtësi për të finalizuar çdo operacion me sukses.

Sot mund të lexoni Shfletoni kopertinat