Shpresat e Kosovës e kanë nisur në mënyrë të jashtëzakonshme rrugëtimin e tyre drejt Kampionatit Evropian U-21.
Kosova U-21 e ka shënuar fitore në ndeshjen e parë të këtyre eliminatoreve, duke shënuar fitore me rezultatin 0:4 në udhëtim tek Andorra.
Lojtarët e Rafet Prekazit arritën që të zhbllokojnë takimin pas vetëm katër minutave lojë, kur Gashi shënoi nga pika e bardhë e penalltisë.
Dardanët e rinj vazhduan dominimin dhe arritën të gjejnë golin e dytë në minutën e 30’ të takimit, përmes Dakut.
Vetëm dy minuta më vonë, pas një gabimi amatoresk të portierit mysafir, Mema trefishoi epërsinë e Kosovës.
Ishte minuta e fundit e pjesës së parë ajo që vulosi rezultatin e këtij takimi, kur Abedini realizoi për 0:4, shkruan lajmi.net.
Në pjesën e dytë, Dardanët administruan për mrekulli rezultatin, duke qarkulluar topin pa problem.
Me këtë fitore, Kosova përkohësisht merr vendin e parë, me tri pikë të grumbulluara. Anglia dhe Austria nuk kanë luajtur akoma ndeshjet e tyre.
Ndeshjen e radhës, të përzgjedhurit e Prekazit e luajnë kundër Turqisë, në ‘Fadil Vokrri’, ditën e martë.
