Manchester United janë duke e cilësuar Youri Tielemans si zëvendësues eventual të Paul Pogbas në ‘Old Trafford’.
Mesfushori francez e ka të ardhmen në ‘ajër’ me Real Madridin dhe Juventusin që interesohen për kartonin e tij.
‘The Independent’ shkruan se ‘Djajtë e Kuq’ tashmë kanë menduar për mesfushorin që do të zëvendësonte Paul Pogban.
Bëhet fjalë për 22 vjeçarin Youri Tielmenas, mesfushorin e Monacos, që pjesën e dytë të sezonit e kaloi në huazim te skuadra e Leicester Cityt në Premierligë.
Tielemans te Leicester City në pjesën e dytë të sezonit zhvilloi 13 paraqitje, duke shënuar edhe tri gola. Ai gjithashtu ka veshur edhe fanellën e Anderlecht në Belgjikë.