E konfirmon Sadiku, sezonin e ardhshëm do të luajë sërish me Bardhin te Levante

Futboll

E konfirmon Sadiku, sezonin e ardhshëm do të luajë sërish me Bardhin te Levante

Më: 10 qershor 2019 Në ora: 00:41
Armando Sadiku

Sadiku ka konfirmuar se sezonin 2019/20 do të kthehet në Spanjë te Levante.

Pati vetëm pak minuta në dispozicion ndaj Islandës, ndërsa ndaj Moldavisë shpreson që të jetë titullar. Në një intervistë për Supersport, nga grumbullimi i Kombëtares shqiptare në kompleksin Tropikal në Durrës, Armando Sadiku, duke folur për ndeshjen ndaj Islandës, për skemën e re të përdorur nga Reja, preku edhe të ardhmen e tij.

Ai konfirmoi se sezonin e ardhshëm do të kthehet në Spanjë te Levante, aty ku aktivizohet shqiptari tjetër, Enis Bardhi.

“E ardhmja? Do kthehem te Levante. Kam kontratë 1+1. Kam programin, do filloj fazën përgatitore”, u shpreh ai.

“Jam i kënaqur sepse drejtuesit e Levantes më kanë qëndruar pranë. Më kanë ndjekur çdo ndeshje te Lugano. Shpresoj të jap më të mirën time, ta filloj atje ku e lash para dëmtimit”.

Para se të huazohet te Lugano, ku bëri 17 paraqitje dhe shënoi vetëm 3 gola e dhuroi edhe një asist – ai bëri shumë pak paraqitje me Levante, për shkak edhe lëndimit të rëndë që pësoi.

Kështu, Sadiku mendon se ka ardhur koha që t’iu tregojë të gjithë te Levante se sa vlen dhe do të nisë furishëm fazën përgatitore për të zënë një vend në formacion dhe për të qëndruar në Spanjë.

commentFirst article
Sot mund të lexoni Shfletoni kopertinat