Klubi italian ka arritur marrëveshje me ish-trajnerin e Shakhtar Donetsk. Paulo Fonseca është edhe zyrtarisht trajneri i ri i Romës.
Portugezi që vjen nga eksperienca ukrainase me Shakthar Donetsk, ka nënshkruar për dy vite me verdhekuqtë me opsion rinovimi edhe për një tjetër sezon.
Pasi u zyrtarizua si trajner i Romës, Fonseca foli për mediat.
“Jam i lumtur dhe i motivuar, mendoj se së bashku mund të ndërtojmë diçka speciale”, ka theksuar ish-trajneri i Portos dhe Bragës.
Roma ka pasur një stinor të vështirë dhe nuk ka mundur të kualifikohet në Ligën e Kampionëve për edicionin tjetër.
