Trajneri i Basaksehir, Okan Buruk ka pranuar se do të donte transferimin e sulmuesit të Rizespor, Vedat Muriqi.
Buruk i cili së fundmi nënshkroi kontratë dy-vjeçare me Basaksehirin, ka zbuluar planet për të ardhmen.
Ndërkaq, edhe Basaksehiri ka hyrë në garë për shërbimet e sulmuesit të Kosovës, Vedat Muriqi.
Këtë e ka pranuar vetë trajneri Buruk, që dikur ka luajtur për Interin, është i mahnitur nga forma e futbollistit nga Prizreni.
“Mbetet ta presim vendimin e Rizesporit për futbollistin Vedat Muriqi”, tha Buruk.
“Çdo futbollist i mirë më intereson”, tha trajneri i Basaksehirit.
Ndryshe, Muriqi e mbylli edicionin e kaluar në Superligën turke me 17 gola dhe tetë asistime.
Përveç Basaksehirit, për Muriqin interesohen edhe klubet si Fenerbahçe, Galatasaray, Spal, Real Betis dhe Toulouse.
