Milot Rashica ishte njëri nga më të mirët në duelin e mbrëmshëm ndaj Bullgarisë.
Anësori i Werder Bremenit shkëlqeu me golin e parë, teksa shtoi edhe asistin krejt në fund të takimit për Elbasan Rashanin, që realizoi golin e fitores.
Pas ndeshjes, shumë tifozë shqiptarë kanë duartrokitur ish-anëtarin e Vushtrrisë e Viteses, derisa njëri prej tyre ka deklaruar: “Rashica, për Topin e Artë”.
Ky postim në rrjetin social “Twitter” si duket i ka pëlqyer shumë edhe faqes zyrtare të klubit gjerman, që nuk ka nguruar ta shpërndajë atë.
Edhe pse fillimisht duket larg, kush e di, ndoshta në një të ardhme ai edhe mund ta fitojë trofeun më të çmuar individual.