Përfaqësuesja U-21 e Kosovës ka shënuar një fitore të rëndësishme 3:1 ndaj Turqisë, në ndeshjen e vlefshme të grupit 3 për kualifikimet e Kampionatit Evropian.
Arbenit Xhemajli ia dha epërsinë 1:0 Kosovës në minutën e 45-të, rezultat me të cilin edhe u mbyll pjesa e parë.
Turqit e filluan shumë mirë pjesën e dytë, duke e barazuar rezultatin përmes Halil Dervisoglut (46’).
Sidoqoftë, verdhekaltrit e rikthyen epërsinë falë golit të Mirlind Dakut në minutën e 72-të.
Ndërkohë, rezultatin përfundimtar të takimit e vulosi Lirim Kastrati në minutën e 89-të.
Kjo është fitorja e dytë e Kosovës në po aq ndeshje të zhvilluara në grupin 3 dhe e zë vendin e parë në tabelë.