Zyrtare: Manchester Unitedi e kompleton blerjen e parë këtë verë - Bota Sot
Zyrtare: Manchester Unitedi e kompleton blerjen e parë këtë verë

Futboll

Zyrtare: Manchester Unitedi e kompleton blerjen e parë këtë verë

Më: 12 qershor 2019 Në ora: 17:04
Foto ilustrim

Manchester Unitedi e ka kompletuar blerjen e Daniel James nga Swansea City, i cili është transferi i parë për “Djajtë e kuq” këtë verë.

James ka nënshkruar kontratë pesëvjeçare me Manchester Unitedin, me mundësi për ta zgjatur atë edhe për një vjet tjetër, njofton klubi në Twitter.

Manchester Unitedi pritet t’i paguajë 15 milionë funte për Jamesin, të cilit i kishte mbetur vetëm edhe një vjet në kontratën me klubin e Championshipit, nivelit të dytë të futbollit në Angli.

James e kishte kërkuar edhe më parë largimin nga Swansea dhe gjatë afatit kalimtar të janarit kishte qenë shumë afër transferimit të Leeds United për 8.5 milionë funte. Mirëpo, në fund kjo marrëveshje kishte dështuar.

21-vjeçari preferon të luajë në pozitën e sulmuesit të krahut të majtë, mirëpo nganjëherë luan edhe në pozitën e sulmuesit të krahut të djathtë dhe si mesfushor sulmues.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...