Mbrojtësi Elseid Hysaj do të largohet nga Napoli këtë verë, pasi presidenti Aurelio De Laurentiis i ka treguar derën. Trajneri Carlo Ancelotti nuk është bindur nga aftësitë e shqiptarit dhe e ka nxjerrë në merkato.
25-vjeçari ka ekipe si Atletico Madridi dhe Juventusi pas vetes, por kërkesat financiare të Napolit janë të larta. Napolitanët duan 30 milionë euro për kartonin e mbrojtësit të krahut të djathtë.
Një shifër e tillë është goxha e lartë me spanjollët e Atleticos që nuk duan të paguajnë aq shumë dhe me Juventusin që është peng i Sarrit. E ardhmja e Hysajt është në dyshim.