Në një ndeshje të fortë, veteranët e futbollit nga Mitrovica kanë mundur kolegët e tyre nga Ferizaji fal ekzekutimit më të mirë të penalltive ( një pritje nga Enes Shosholli dhe një huqje mbi portë të ferizajasve) ndërkohë që ndeshja në kohën e rregullt ka përfunduar në barazim 2:2.
Kështu Klubi i Veteranëve të Futbollit “ Mitrovica” me rezultatin e përgjithshëm 8:7 ka fituar Kupën e Kosovës ndaj skuadrës Ferizaji. Mitrovicasit paraprakisht kanë mundur në gjysmë finale skuadrën nga Lipjani me rezultat 5:0.
Ndeshja e rregullt përfundoi me rezultat të barabartë 2-2.
Të parët që kaluan në epërsi ishin ferizajasit në minutën e 29’ me Amir Lamaxheman.
Mitrovica arriti ta barazoj rezultatin në minutën e 32’ me autogolin e shënuar nga Arben Qerimi pas goditjes sl Onbashit
Pjesa e parë u mbyll me rezultatin 1-1.
Në pjesën e dytë Mitrovica kaloi në epërsi në këtë ndeshje për herë të parë në minutën e 47’ me Seidi Onbashin, pas një goditje mjeshtërore dhe shumë precize si rrjedhojë e një aksioni të mirë të mitrovicasve.
Pot, ferizajasit nuk u dorëzuan dhe e barazuan rezultatin në minutën e 56’ me Genc Hysenin.
Deri në fund të ndeshjes mitrovicasit kanë pasur edhe disa raste të mirë shënimi, ku duhet veçuar posaçërisht goditjen mjeshtërore të Seid Onabshi që nga 18-20 metra nga gjuajtja e lirë ka qëlluar traun e portës së ferizajasve.
Duhet theksuar se mitrovicasit kanë pasur edhe një tjetër goditje të shtyllës, kësaj radhe nga mjeshtri I mesfushës Shpëtim Fetahu.
Ndonëse nuk fituan në kohën e rregullt, loja është kontrolluar dhe dominuar nga fituesit e Kupës, të cilët meritojnë lavdëritë për angazhimin në mbrojtjen e ngjyrave të klubit edhe pse mbretëronte vapë e madhe në fushën sintetike të “2 Korrikut”.
Mitrovica arrin që ta fitoj Kupën e Kosovës për veteranët për herë të parë në histori të kësaj gare, pasi ky ishte viti i parë i organizuar nga FFK-ja.