Ferland Mendy është francezi i fundit, që iu bashkua Real Madridit, për shumën e 48 milionë eurove. “L’Equipe”, me këtë rast, ka bërë një retrospektivë, duke ndërtuar një top-ekip të bardhë me përbërje 100% franceze.
Pra, në këtë formacion, janë pozicionuar lojtarët më të mirë francezë, që kanë luajtur dhe vazhdojnë ta bëjnë këtë në “Bernabeu”. Zgjedhjet janë bërë sipas modulit 4-2-3-1. Bie në sy prania në të e dy Zidane-ve, babait dhe të birit. I pari trajner tashmë, në eksperiencën e dytë të tillë te “Los Blancos”, ndërsa i dyti portier rezervë (Luca).
Mbrojtja përbëhet nga emra të tillë si L.Diarra, Hon, Varane dhe Mendy. Këta dy të fundit janë aktualisht pjesë e mbretërorëve madrilenë. Para mbrojtjes, por që mund të llogariten si mesfushorë difensivë, kanë vendet e tyre Makelele dhe Karembeu. Më përpara, me detyra ofensive, pozicionohen: Kopa, Z.Zidane dhe Benzema. Maja e sulmit i takon Anelka.
