Ish kapiteni i kombëtares së Gjermanisë, Lothar Matthaus, ka lënë të gjithë të stepur kur u pyet në lidhje se pse nuk kishte pranuar të bëhet përzgjedhës i Kosovës, dhe a kishte pasur apo jo bisedë me legjendën e futbollit të Kosovës, të ndjerin Fadil Vokrri, i cili ndërroi jetë vitin e kaluar me 9 qershor sa ishte president i FFK-së.
“Unë nuk kam pasur asnjë bisedë me Fadil Vokrrin dhe nuk e di se ku i keni marrë këto informacione por nuk janë të vërteta”, tha Matthaus.
Ai po qëndron në një vizitë në Kosovë dhe ka vizituar edhe stadiumin "Fadil Vokrri" dhe FC Prishtinën.
Ardhja e tij në Kosovë shënon edhe një epokë të re për futbollin tonë dhe veçmas deklararat shumë të mira të ish reprezentuesit gjerman.