Klubi i futbollit Gjilanit nuk ndalet me përforcime. Ata sjellin në radhët e tyre një mbrojtës nga Shqipëria. “Oltion Rapa është futbollisti më i ri i skuadrës së Gjilanit.
Mbrojtësi i qendrës sot ka nënshkruar me klubin kuq e bardhë, që e mbanë atë pjesë të skuadrës së Gjilanit për dy edicionet e ardhshme.
Rapa, i lindur në Tepelenë, sezonin e kaluar ishte pjesë skuadrës nga Superiorja në Shqipëri, KF Luftëtari. Rapa ishte lojtar prezent thuajse në të gjitha takimet e ish-skuadrës së tij, sikurse në ligën elitare të Shqipërisë, gjithashtu edhe në kupë, nga 4 vitet e kaluara sa ishte pjesë e Luftëtarit.
Po ashtu Rapa , kishte bërë paraqitje edhe në garat europiane me skuadrën gjirokastrite.
Mbrojtësi i ri i Gjilanit, gjithë karrierën e tij e kishte kaluar në Shqipëri, kurse Gjilani do të jetë aventura e tij e parë larg Kampionatit Shqiptar, ku ai kishte milituar gjatë këtyre viteve të karrierës së tij dhe ku u formua si futbollist”, bëhet e ditur nga klubi.