Anglezja Metro raporton se Inter dhe Atletico Madrid kanë shfaqur interes për Ryan Bertrand.
Mbrojtësi i majtë 29-vjeçar që luan te Southampton ka edhe dy vite të mbetura në kontratë.
Atletico ka kohë që është në kërkim të një lojtari që do të zëvendësojë Lucas Hernandez, i cili ka shkuar te Bayern Munich.
Ndërsa Inter po studion kampionatin anglez pas kërkesës së Antonio Conte-s. Zikaltrit kanë vuajtur në krahun e majtë gjatë viteve të fundit.
Vlera e tij është rreth 17 milionë euro, por të dy klubet nuk kanë në plan të shpenzojnë më tepër se 12 milionë.