Milan dhe Roma po përgatiten për një shkëmbim të bujshëm lojtarësh.
Pas kërkesës së trajnerit të ri të Milanit, Marco Gianpaolo, për të sjellë në Milano sulmuesin e ri çek Patrik Schick, drejtuesit e Milanit kanë nisur të lëvizin për të kënaqur trajnerin e tyre shkruan Telesport.
Schick, 23 vjeç, luan prej dy sezonesh me Romën, por nuk ka shkëlqyer ashtu sikurse bëri me Sampdoria. Asokohe, trajner ishte pikërisht Gianpaolo, që e njeh mjaft mirë talentin çek.
Gjithsesi, për ta sjellë atë te Milani nuk ka për të qenë aspak e lehtë, ndaj kuqezinjtë po mendojnë për një shkëmbim me Romën.
Te kryeqytetasit do të shkojë talenti 21-vjeçar i kuqezinjve, Patrick Cutrone.
Kjo është ideja e Milanit, që të kryejnë një shkëmbim “kokë më kokë”, lajm që konfirmohet nga e përditshmja “Gazzetta Dello Sport”.
Gjithsesi, Roma ende nuk ka dhënë “OK”-in e saj, pasi synon që të shesë Schick jo në shkëmbim, por duke arkëtuar.
