Interi raportohet se ka arritur marrëveshje me Sassuolon për transferimin e Stefano Sensit për rreth 30 milionë euro.
Më herët sot dy klubet u takuan në një lokacion të pakonfirmuar, ku thuhet se kanë arritur akordin.
Uebsajti i Gianluca Di Marzios potencon se Interi do të paguajë pesë milionë euro për ta huazuar fillimisht lojtarin me opsionin e blerjes diku mes 22 deri në 25 milionë euro por që mund të rritet deri në 30 milionë me bonuse.
Sulmuesi tinejxher Edoardo Vergani pritet të kalojë në anën tjetër si pjesë e marrëveshjes, gjë që vjen si befasi kur marrim parasysh se ai ishte afër të kalonte te Milani.