Skuadra e Milanos ka refuzuar ofertën e parë të Barcelonës për qendër mbrojtësin Alessio Romagnoli.
Më herët gjatë ditës është raportuar se skuadra katalane do të bëjë lëvizje për të siguruar shërbimet e mbrojtësit më të mirë të Milanos, Romagnoli.
Por, ‘Tuttosport’ raporton se Milano ka refuzuar ofertën 40 milionëshe për yllin e skuadrës.
Skuadra e Barcelonës është duke kërkuar edhe shërbimet e qendër mbrojtësit të Ajax, Matthijs De Ligt, por po shohin edhe për opsione tjera, siç është 22 vjeçari i Milanos.
Gjithsesi, Milano duket se nuk janë të interesuar të heqin dorë nga qendër mbrojtësi i tyre.
