Jorge Luiz Frello Filho i njohur nga të gjithë si Jorginho është një nga lojtarët më besnikë të Maurizio Sarrit dhe nuk do të habiteshim aspak nëse sezonin e ardhshëm do të shikonim me fanellën e Juventusit.
Në fakt ai që i ka hedhur “benzinë” zjarrit ka qenë agjenti i mesfushorit të Chelseat, Joao Santos i cili në një dalje të fundit për mediat është shprehur se mesfushori do t’i bënte shumë punë trajnerit të ri të bardhezinjëve.
Kujtojmë se sezonin e kaluar, Jorginho la Napolin për t’u transferuar në Premier League te Chelsea, pikërisht pasi drejtimin e “Bluve të Londrës” e mori Sarri.
Me rikthimin e teknikut në Seria A edhe mesfushori italo-brazilian mund të bëjë të njëjtën gjë dhe sinjalet e para agjenti i tij tashmë i ka dhënë.
