Qendër mbrojtësi i Napolit, Kalidou Koulibaly, ka dhënë disa komente rreth të ardhmes së tij, duke sinjalizuar skuadrën e Manchester United.
Koulibaly është një nga mbrojtësit më të kërkuar në Evropë, së bashku me Skriniar e Matthijs De Ligt.
Një nga skuadrat që ka shfaqur interesimin më të madh për lojtarin senegalez është ajo e Manchester United, të cilët së fundmi kanë mësuar një lajm të mirë.
I pyetur për të ardhmen e tij, Koulibaly ka thënë se mendon që do të largohet nga skuadra italiane.
“Nuk e di, mendoj se po. Por, unë duhet të luaj në Kupën e Afrikës, pastaj pas kësaj, duhet të kthehem tek Napoli” ka thënë lojtari, duke lënë gjithçka të hapur.
27 vjeçari vlerësohet me 100 milionë euro nga skuadra e tij, shifër që vështirë se mund të paguhet nga United.
Aktualisht, Koulibaly po angazhohet me skuadrën kombëtare të Senegalit në Kupën e Afrikës, ku deri më tani ka pasur rezultate pozitive.