Dy klubet e qytetit të Milanos kanë vendosur të nisin ndërtimin e stadiumit të ri.
Drejtuesit e Interit dhe Milanit kanë njoftuar se puna për ndërtimin e stadiumit të ri që do të jetë në pronësi të të dy klubeve do të nisë shumë shpejt.
Njëkohësisht ata kanë bërë të ditur se San Siro do të shembet, për t’i hapur vend ndërtimeve të reja afër tij.
Presidenti i Milanit, Paolo Scaroni deklaroi për mediat: “Do të bëjmë një San Siro të ri, pranë të vjetrit, në të njëjtën zonë. I vjetri do të shembet, dhe do të ketë vend për ndërtime të reja”.
Ndërsa drejtori gjeneral i Interit, Alessandro Antonello foli shkurt: “Absolutisht, do ta bëjmë bashkë stadiumin e ri”.
Stadiumi i ri do t’u kushtojë Interit dhe Milanit 700 milionë euro, derisa pritet të përfundojë më së largu në vitin 2023.
