Me Kupën e Botës së femrave që po vazhdon të luhet, është nxitur një debat i madh se sa shumë pabarazi ka mes dy gjinive, në botën e futbollit.
Interesimi shumë i dobët dhe vëmendja minimale e medieve për Kupën e Botës së femrave, ka shtyrë edhe disa prej trajnereve që të reagojnë ndaj FIFA, duke insistuar se ka mungesë marketingu.
Por, pabarazitë duket se vazhdojnë edhe në rrafshin e fitimeve të lojtareve, ku kjo gjë mund të vërehet në krahasimin e pagës së Lionel Messi me lojtaret e shtatë ligave më të forta në futbollin e femrave.
Lionel Messi fiton dyfish më shumë se gjithë lojtaret e shtatë ligave më të forta në futbollin e femrave.
Paga e argjentinasit prek shifrën e 84 milionë euro, kurse 1693 futbolliste së bashku, paguhen për vetëm 42.6 milionë euro.
Këto informacione për shumën e fitimeve të Messi dhe futbollisteve janë marrë nga ‘Forbes’.
Duket se barazia e gjinive në botën e futbollit është shumë vite larg, me futbollin që duket sikur i takon vetëm njërës gjini.