Titulli i kampionit nga KF Shkëndija bëri që në adresë të skuadrës tetovare të arrinin urime të shumta nga të gjitha anët, përfshirë këtu edhe ekipe me renome, mirëpo mbi të gjitha spikat ajo e kampionit të Gjermanisë, Bayern Munih.
Telegrami që mban firmën e presidentit të bavarezëve, Karl-Heinz Rummenigge i drejtohet presidentit të Shkëndijës, Visar Bexheti, duke i uruar fitimin e titullit kampion në Ligën e Parë të Futbollit të Maqedonisë për sezonin garues 2018/19.
S’do mend se ky urim paraqet një respekt të madh për kampionin e Maqedonisë, por edhe për dëshmi shtesë për madhështinë që bart në vete gjigandi bavarez që shfaq kujdes për të gjithë klubet gjithandej në Europë dhe më gjërë, shkruan në faqen e Shkëndijes.
