Bisedimet mes Frank Lampard dhe Chelseat janë në orët vendimtare.
Frank Lampard pritet të emërohet si trajner i Chelseat në orët në vijim.
Këtë e konfirmon edhe njoftimi i Derby Countyt, klub të cilin Lampard e ka drejtuar sezonin e shkuar, ku thuhet se ish-mesfushori ka lejen për të negociuar me Blutë.
“Pasi faza përgatitore po afrohet është në të mirën e të dy klubeve që Chelsea të vazhdojë bisedimet me Frank Lampard dhe të shikohet nëse mund të arrijnë marrëveshje”.
“Ne si klub nuk do të japim komente të tjera, derisa të jetë e nevojshme për ta bërë”, thuhet në komunikatën e Derbyt.
Lampard pritet të bëhet pasuesi i Maurizio Sarrit te Chelsea, me këtë të fundit që nënshkroi me Juventusin.