Gjilani nuk ndalet, transferon edhe mesfushorin e mirënjohur

Futboll

Gjilani nuk ndalet, transferon edhe mesfushorin e mirënjohur

Më: 26 qershor 2019 Në ora: 10:45
Qëndrim Dautaj

Qëndrim Dautaj është futbollisti më i ri i Gjilanit.Dautaj emër i njohur në futbollin vendor, në Gjilan vie pas një edicioni të kaluar tek KF Ferizaji.

Në fakt për Dautajn ky është një rikthim në skuadrën e Gjilanit, pasi ai para disa edicioneve ishte pjesë e Gjilanit, ku për një stinor kishte mbrojtur ngjyrat e ekipit kuq e bardh të Gjilanit.

Qëndrim Dautaj, i lindur në Deçan karrieren e tijë e nisi në vendlindje me skuadrën e Deçanit ku dhe u afirmua në futbollin e Kosovës.

Paraqitjet në futbollin vendor, Dautaj i vazhdoi edhe për disa skuadra të ndryshme sikurse ajo e Besës së Pejës, Flamurtarit, Llapit e Ferizajit, skuadër nga e cila u transferua në ekipin e Gjilanit.

Pas disa problemeve shëndetësore ku u penalizua nga disa dëmtime, mesfushori Dautaj rikthimin e formës se tijë e bëri me skuadrën e Ferizajit, që në "sprintin" final të kampionatit ishte lojtari kyq i ferizajasve në fitoret, ku i siguruan mbijetesën në Superligë.

Image

Gjatë edicionit të kaluar, Qëndrim Dautaj tek Ferizaji i shënoi 6 gola dhe i realizoi 4 asistime, me ç'rast ishte dhe ndër mesfushorët më produktiv në Ipko Superligën e Kosovës.

Sot mund të lexoni Shfletoni kopertinat