Shpresojmë që të jetë fillim i mbarë për yllin e Kosovës, Edon Zhegrova.
I shumëkritikuari muajve të fundit, për angazhimin e skajshëm në rrjetet sociale dhe jo në fushën e blertë, e sidomos për klubet respektive, për të cilat është paraqitur pak, sot ka realizuar një super-gol.
Anësori i kombëtares “verdhë e kaltër” ka shënuar në fitoren e skuadrës së tij 5-1 ndaj Munich 1860, në një duel miqësor.
Megjithatë, ky gol jep shpresa se i “dashuruari” pas rrjeteve sociale, do të kthehet në element dhe kështu të tentojë që ta rikthejë veten në formën e dikurshme, atëherë kur i gjithë stadiumi brohoriste emrin e talentit, që dikur luante te Flamurtari në “Xhemail Ibishi”.
Më poshtë goli i Zhegrovës, që i kishte i katërti për skuadrën, i shënuar në të 67-tën minutë.