Raportet në Francë pretendojnë se Adrien Rabiot i ka kërkuar Juventusit pak kohë për t’u menduar pasi Paris Saint-Germain i ka ofruar një kontratë të re.
Mesfushori pritej të firmoste me Juven një kontratë me 7 milionë euro në sezon plus bonuse, bashkë me 10 milionë euro për agjenten/mamanë e tij.
Megjithatë, pasditen e së mërkurës SoccerLink dhe Paris United theksojnë se Rabiot i ka kërkuar Juve-s pak kohë të mendohet sepse PSG dhe drejtori i ri Leonardo i ka ofruar një kontratë të re.
Kjo nuk është hera e parë që lojtari i paparashikueshëm ndryshon mendje. Rabiot ra dakord të largohej nga PSG teksa në klub kishte drejtues të tjerë dhe mesa duket Leonardo i ka ofruar kushte të reja.
Marrëveshja me PSG mund të jetë 8 milionë euro në sezon plus 5 milionë euro për mamanë e tij.