Liverpooli ka prezantuar përforcimin e parë të verës – transferimin e Sepp van den Berg nga PEC Zwolle. Klubi përmes një njoftimi në faqen zyrtare ka bërë të ditur se ka nënshkruar me mbrojtësin 17-vjeçar. Ai ka nënshkruar kontratë afatgjate me ‘Reds’ pas marrëveshjes që u arrit me klubin e Eredivisie.
Transferimi i Van Der Berg do të kompletohet në korrik, ka bërë të ditur klubi anglez. “Është një ndjenjë fantastike. Për mua, është klubi më i madh në botë dhe është ëndërr e bërë realitet. Jam me të vërtetë i emocionuar”, tha ai për Liverpoolfc.com
Van den Berg bëri 15 paraqitje në kampionatin holandez edicionin e kaluar, duke e ndihmuar Zwollen që të përfundojë në vendin e 13-të.
Në nivel ndërkombëtar ai është paraqitur për Holandën U19, ku gjithsej ka 4 paraqitje.
