Klubi londinez ka vendosur ta shfrytëzojë të drejtën e blerjes për mesfushorin kroat.
Mateo Kovaçiq edhe sezonin e ardhshëm do të mbajë veshur fanellën e Chelseat.
Blutë kanë vendosur të blejnë përfundimisht kartonin e Kovaçiç nga Real Madridi për 50 milionë euro.
Ndonëse Chelsea e ka të ndaluar të bëjë blerje në këtë afat kalimtar, pas një dënimi nga FIFA, ata kanë vendosur të shfrytëzojnë opsionin e të drejtës së blerjes që kishte përfshirë në marrëveshjen që kishte nënshkruar me Realin sezonin e kaluar kur morën Kovaçiç në huazim.
Për kroatin pati shprehur interesime dhe Interi që dëshironte ta kthente përsëri në Itali, por këmbëngulja e Chelseat ka bërë që ai të mbetet në Londër.