Komisioni për ankesa – shkalla e dytë, në përbërje; Afrim Prekazi – kryetar dhe Agim Bahtiri e Sitki Baftiu anëtarë, në mbledhjen e mbajtur me datë 26.06.2019 shqyrtoi ankesat e lojtarëve; Ylber Maloku KF “ Trepça 89 “ nga Mitrovica dhe të , Kushtrim Gashit e Samir Sahitit nga KF “ Vëllaznimi “ nga Gjakova të atakuara në vendimet e komisionit disiplinor të shkallës së parë datë 13.06.2019 në dënimet e tyre nga ndeshja përcaktuese – barazhit për IPKO-SUPERLIGË për kategorinë e seniorëve; TREPÇA ‘89 – VËLLAZNIMI e zhvilluar me datë 01.06.2019 dhe për të njëjtat duke iu referuar provave shtesë të ofruara nga ana e palëve të ankimuara, konform dispozitave të Rregullores disiplinore neni 115 paragrafi 1 pika c; sjelli këto ;
Vendimet: YLBER MALOKU ; lojtar i KF “TREPÇA 89“ nga Mitrovica me numër të ID kartelës 001044M96 dhe licencuar në Federatën e Futbollit të Kosovës me numër të fanellës sportive 10, i dënuar me ; 4 (katër) ndeshje nga ana e organit disiplinor të shkallës së pari, I ZBRITET ; në 2 (dy) ndeshje zyrtare moslojë sipas radhës të organizuara nga ana e Federatës së Futbollit të Kosovës.
KUSHTRIM GASHI; lojtar i KF “VËLLAZNIMI “ nga Gjakova me numër të ID kartelës 001270M92 dhe licencuar në Federatën e Futbollit të Kosovës me numër të fanellës sportive 18 i dënuar me 4 ( katër ) ndeshje nga ana e organit disiplinor të shkallës së pare I ZBRITET ; në ; 2 (dy) ndeshje zyrtare moslojë sipas radhës të organizuara nga ana e Federatës së Futbollit të Kosovës.
SAMIR SAHITI ; lojtar i KF “VËLLAZNIMI“ nga Gjakova me numër të ID kartelës 002265M88 dhe licencuar në Federatën e Futbollit të Kosovës me numër të fanellës sportive 22 i dënuar më; 6 (gjashtë) ndeshje nga ana e organit disiplinor të shkallës së parë I ZBRITET; në 4 (katër) ndeshje zyrtare moslojë sipas radhës të organizuara nga ana e Federatës së Futbollit të Kosovës.
