Babai i James: Kjo skuadër është zgjedhja më e mirë për të

Futboll

Babai i James: Kjo skuadër është zgjedhja më e mirë për të

Më: 27 qershor 2019 Në ora: 23:59
James Rodriguez

James Rodriguez është gjithmonë e më pranë Napolit.

Kolumbiani, i cili aktualisht është i angazhuar me kombëtaren e tij në kompeticionin e Kupës së Amerikës, është gati të ndërmarrë aventurën italiane pas dy viteve të fundit të kaluara në Gjermani te Bayern Munich.

Është vetë babai i James Rodriguez ai që nëpërmjet një deklarate të dhënë për “calcionapoli24” ka shtuar optimizmin në kampin napoletan: “Që nga fillimi ka patur respekt të madh për trajnerin Ancelotti. James i është mirënjohës për atë që ka bërë, për më tepër ai di si ta vlerësojë dhe kjo ka ndikuar për të krijuar një miqësi të madhe”.

“Trajneri Ancelotti ka qenë gjithmonë shumë i kënaqur me rendimentin e James. Kam folur e jam dëgjuar së fundmi me James dhe besoj se një ndryshim është ajo që i duhet në këtë moment të karrierës. Te Napoli është Ospina dhe klubi është shumë i rëndësishëm. Mendoj se është zgjidhja më e mirë për atë”, përfundoi babai i James Rodriguez.

Sot mund të lexoni Shfletoni kopertinat