Po kush nuk e njeh Luan Prekazin, legjendën e futbollit të Kosovës. Sot ka rreth 73 vjet dhe nga moshatarët e tij por edhe gjeneratat e vjetra me emocione kujtohen lojërat e tija brilante.
Ky emër i madh, një kohë ishte i pandalshëm për klubet e mëdha të ish Jugosllavisë, si Dinamo e Zagrebit, Hajduku i Splitit, Cërvena Zvezda e Beogradit, Velezhi i Mostarit, Sarajeva, Rijeka etj.
Për tre vjet sa luajti në Partizan të Beogradit ka pasur 84 paraqitje.
Prekazi ka lindur në Mitrovicë në vitin 1946. Ai me lojën e futbollit filloi qysh në rininë e hershme në vitet 1962/63 në ekipin e te rinjve të KF Trepça.
Në vitet 1964/65 luajti për reprezentacionin e të rinjve të ish SFR Jugosllavisë, kurse për ekipin e parë të Trepçës debutoi në vitin 1963.
Karriera e legjendës:
1963-67 Trepça,
1967-69 Partizan Beograd
1969-74 Prishtina,
1976-77 Trepça
Ndryshe ka qenë edhe trajner i disa skuadrave në vendin tonë dhe prej më të suksesshmeve. Mos të harrojmë, se Luan Prekazi ka qenë shqiptari i dytë në Partizan.
Para tij ka luajtur Zenun Brovina.
Cilët janë shqiptarët që luajtën në Partizan? Zenun Brovina, Luan Prekazi, Xhevat Prekazi, Kujtim Shala, Isa Sadriu dhe Fadil Vokrri.