Mediat në Serbi gjatë ditës kanë shkruar se federata e futbollit e këtij shteti më në fund është pajtuar për emërimin e selektorit të ri dhe fjala është për Lubisha Tumbakoviqin.
Kujtojmë se Tumbakovic ishte selektor i Malit të Zi deri muajin e kaluar, kur u detyrua të mos paraqitet në ndeshje me Kosovën, shkruan insporti.
Pikërisht para kësaj ndeshjeje, gazetarët nga Kosova e kishin pyetur Tumbakoviqin nëse e ka njohur Fadil Vokrrin dhe çfarë mendimi ka për të dhe përgjigja e tij kishte qenë korrekte dhe me shumë respekt ndaj legjendës së futbollit të Kosovës.
Tumbakoviq kishte deklaruar se Vokrrin e ka pasur mik, edhe pse selektori i Serbisë si lojtar i Partizanit ka qenë në atë klub para se të shkonte Vokrri, kurse si trajner e kishte marrë përsipër Partizanin, pasi Vokrri ishte transferuar nga klubi i madh beogradas.