Mesfushori Valon Behrami do të largohet nga Udineze pas dy sezonesh. Lojtari me origjinë shqiptare do të lërë Italinë në moshën 34-vjeçare dhe do të rikthehet në Zvicër.
Ish-futbollisti i Zvicrës do t'i bashkohet Sion-it, pasi ka arritur marrëveshjen me klubin helvet. Kontrata do të jetë 2-vjeçare dhe parashikon dhe një të ardhme si trajner.
Behrami do të mbyllë karrierën e tij të suksesshme me Sion-in, pasi ka luajtur me skuadra shumë prestigjoze në kampionatet elitare të Europës. Lazio, Fiorentina, Napoli dhe Udinese në Itali, gjithmonë me statusin e titullarit, Watford dhe West Ham në Angli dhe Hamburgu në Gjermani.
Nuk harrohen as arritjet me kombëtaren duke luajtur në botërore dhe europiane.
